Les reformes propuestes (pendientes de votación) recueyen una subida d’alrodiu de 3.000 € y que diez de los once miembros del executivu ten lliberaos, lo mesmo que dos de Ciudadanos y un de ca ún de los otros grupos, colos correspondientes sueldos
La primer ronda de contautos colos grupos municipales tuvo comu oxetivu encadarmar la nueva Corporación: repartu de puestos, asignación da fondos pa personal y reserva económica pa la lliberación de conceyales. Un total de 18 persones tendrán dedicación esclusiva a les llabores de gobiernu de la ciudá (diez d’ellos del mesmu equipu de gobiernu). Nel mesmu conceyu valoróse aprebar un incrementu de salariu pa tolos miembros del gobiernu, que rondaría los tres mil euros añales, bien perriba del xorrecimientu l’IPC.
Colos nuevos sueldos l’alcaldesa pasaría a cobrar alrodiu 65.000 € añales, unos 5.000 al mes, aparte de dietes, mentantu un direutor d’área, por exemplu, percibiría unos 53.000. Amás d’ello, ca grupu recibirá un fixu mensual de 2.600 euros al mes pa los gastos de furrulamientu, el PSOE tendrá les perres pa pagar a cinco téunicos y cuatro alministrativos, Ciudadanos a tres persones contrataes ya’l restu a dos por partíu.
Estes ya otres midies votaránse en plenu a entamos de Xunetu.
Nuria Prendes
This work is licensed under a Creative Commons Attribution 4.0 International License.
