Nuevu atentáu fascista nel Mazucu

  • 29 Abril, 2017

FAMYR denuncia la destrucción del monolitu memorialísticu

La Federación Asturiana Memoria y República comunicó que’l monolitu n’alcordanza de los combatientes asturianos asitiáu nel Altu d’El Mazuku (Llanes), escenariu d’una gran batalla en 1937, foi atopáu baltáu.

L’atentáu vien repitiéndose tolos años, pero nesta ocasión tuvo mayor gravedá, yá que enantes namá yera destruyida la placa, que volvía a ser restaurada. Agora los fascistes frayaron inclusive la piedra del monolitu.

Dende FAMYR suponen que pue ser una represalia pola retirada del monolitu a la Lexón Condor nazi, que bombardeó la fastera na Guerra Civil, que s’atopaba a unos cientos de metros del otru monolitu, tres una denuncia presentada pola asociación ante los tribunales por frayar la Llei de Memoria Hestórica.

This work is licensed under a Creative Commons Attribution 4.0 International License.

3 Comments Already

  1. Un monolitu col que la izquierda española miente.
    Nel Mazucu nun se defendió la República española, sinon El Conseyu Soberanu d’Asturies y Llión, que destituyó a la direición militar republicana y nomó a los sos propios cargos políticos y militares pa defender Asturies, frente a una República Española que llegó a agradecer la conquista d’Asturies afirmando que yera meyor que cayera Asturies en manes franquistes, que’l que siguieremos siendo una nación independiene.

  2. “frente a una República Española que llegó a agradecer la conquista d`Asturies afirmando que yera meyor que cayera Asturies en manes franquistes, que`l que siguieremos siendo una nación independiene.”

    Quien dixo tal cosa? Onde? Nun conozo documentación nenguna nesi sen

  3. Pues informate d’eso y más nel llibru ¿Quien escaeció a Belarmino Tomás?. Con cites testuales y referencia de les mesmes.

Dexa una rempuesta a Fonsu Braña Cancelar a resposta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies