La Plataforma Salvemos Peñamayor alzó la voz esti día tres la publicación de delles informaciones na prensa sobre el informe del Serviciu d’Inspeición Xeneral del Principáu d’Asturies. Dende’l colectivu denunciase que les deficiencies señalaes nel documentu —inacción alministrativa, falta de tresparencia, escasa dilixencia y una aplicación llaxa de la normativa minera— siguen repitiéndose baxo l’actual direición

Según esplica la plataforma, la xestión del permisu d’investigación minera “Astur A”, qu’afecta a los conceyos de Bimenes, Llaviana, Nava y Piloña, ye un exemplu claru d’esta situación. La organización insiste en que l’autoridá minera tien la obligación de poner fin a esti permisu al traviés de l’apertura d’un espediente de caducidá, tal y como marca la llexislación vixente, polos incumplimientos de la empresa Asturmet y pola imposibilidá material de desenvolver los trabayos.

Dende Salvemos Peñamayor recuerden que la anunciada “rexeneración” del serviciu de minas que defendió el presidente Adrián Barbón tien de pasar obligatoriamente pol cumplimientu d’esta midida, una demanda que, amás, comparten los conceyos de Bimenes y Llaviana y la mesma Xunta Xeneral del Principáu d’Asturies. “L’Alministración nun pue seguir sosteniendo situaciones irregulares al traviés de la inacción”.

El colectivu denuncia que nun ta impulsándose d’oficiu l’espediente de caducidá del permisu, pesi a los incumplimientos de plazos por parte de la empresa. Una situación que, según la normativa minera, obligaría a la Conseyería a actuar, pero que, sicasí, ta retrasándose ensin xustificación. Amás, señalen los retrasos na resolución de les solicitudes presentaes fai meses

También critiquen la falta de control efectivu sobre el cumplimientu de les condiciones del permisu, lo que permite —según denuncia— que se caltenga una situación irregular. A ello súmase la resistencia de trabes y retrasos nel accesu a la información de los expedientes alministrativos, una práctica que considera contraria a la llexislación.

Otra de las cuestiones que más esmolez a la plataforma ye la falta d’información sobre los trabayos previstos y los yá realizaos, si los hubiere, asina como sobre la ocupación de suelu. Según espresen, los propietarios, tanto públicos como privados, desconocen si se van a desenvolver actuaciones nes sos propiedaes y en qué plazos. Amás, recuerden que los trabajos aprobaos pola alministración autonómica nun son desendolcables según coles normativas urbanístiques municipales.

This work is licensed under a Creative Commons Attribution 4.0 International License.