“Manes fuera de Venezuela”

Organizaciones sociales, sindicales y polítiques d’Asturies vuelven xunise pa facer un llamamientu conxuntu a la movilización ciudadana contra la inxerencia de los EEXX nel gobiernu de les naciones

Los coleutivos Asturies Laica, A. Amistad colos Pueblos, Awon Iyaami, Asturies Insumisa, Bartolomé de las Casas, Paz y Amistad,  Colectivo de Refuxu Luciano Romero, CSCA, CCOO, CSI, IU, Lázaro Cárdenas,  LCT, Pachakuti, Podemos, PCA, PCTE, AC, COSAL  y Suatea  conviden a la sociedá asturiana a participar esti domingu nuna gran manifestación pola paz y polos drechos humanos.

La convocatoria naz de la esmolición pola situación internacional actual y pola multiplicación de conflictos armaos y agresiones contra los pueblos. Les organizaciones firmantes consideren imprescindible salir a la cai pa esixir el respetu al Derechu Internacional y pa denunciar a quien lu vulnera de manera sistemática.

Nel comunicáu fechu públicu, los colectivos espresen con claridá’l sentíu de la movilización: «Venimos a defender el Drechu Internacional, de los sos violadores. A la cabeza d’ellos Trump y Netanyahu. Venimos a defender la paz, frente a quien la destrúi». Con estes pallabres quieren poner el focu na responsabilidá de los dirixentes que fomenten la guerra y el sufrimientu de miles de persones en tol mundu.

La manifestación d’esti domingu preséntase como una oportunidá pa que la ciudadanía asturiana amuese’l so compromisu cola xusticia, la solidaridá ente los pueblos y la resolución pacífica de los conflictos. Les organizaciones animen a participar de manera masiva y a convertir la movilización nuna voz colectiva a favor d’un futuru en paz.