La Conseyería de Mediu Rural y Política Agraria vien d’espublizar nel Boletín Oficial del Principáu d’Asturies (BOPA) la convocatoria de sovenciones del programa LEADER dirixíes a fomentar l’emprendimientu y la creación de emplegu nel mediu rural asturianu
Cualquier proyeutu emprendíu nel mediu rural pue optar a esta ayuda
Esta llinia, con una dotación de 2.905.000 euros, permite a persones desemplegaes presentar solicitudes pa beneficiase del Tique Rural y tamién del Tique del Asalariáu.
Les sovenciones organízense a través de los once grupos d’acción local distribuyíos pol territoriu, con l’oxetivu de promover que quien se dea d’alta como autónomu y emprenda una actividad económica n’un entornu rural pueda recibir un apoyu económicu a la puesta en marcha del so proyeutu. Al mesmu tiempu, la convocatoria abarca una ferramienta específica pa facilitar la contratación de personal desemplegáu pol mediu del nomáu “Tique del Asalariáu”.
La cuantía pa quienes accedan al Tique Rural pue llegar hasta 50.000 euros, siempre que’l proyeutu y l’emplegu creau se mantegan nel llugar por un periodu definíu. Pel so llau, l’ayuda del Tique del Asalariáu pue algamar 20.000 euros si la contratación se compromete a mantene’l puestu de trabayu nel territoriu durante un tiempu mínimu.
Esta ayuda ye una de les vies que s’ufren dientro del marcu del programa europeu LEADER, que busca reactivar l’economía y fixar población nes zones rurales implicando a la propia comunidá na definición y execución de les estratexies de desendolcu local.
Nel Dos Santos
This work is licensed under a Creative Commons Attribution 4.0 International License.
