Nos postreros años, nomes como Wegovy, Ozempic o Saxenda entraron con fuercia nel debate públicu. Apaecen nos medios de comunicación, nes redes sociales y nes consultes médiquees, venceyaos siempres a una mesma idea: la perda de pesu. Pero ¿qué son realmente estos fármacos y por qué xeneren tanta atención?
Estos fármacos tienen esta forma d’administrase en común
Lo primero que convien aclarar ye que nun son productos milagru, nin suplementos alimentarios, nin soluciones máxiques. Son medicamentos con receta, avalaos por ensayos clínicos, que formen parte d’una mesma familia farmacolóxica: los agonistes del receptor GLP-1.
¿Qué ye’l GLP-1?
El GLP-1 (glucagon-like peptide-1) ye una hormona que’l cuerpu produz de manera natural dempués de comer. Tien trés funciones principales:
- aumenta la sensación de saciedá,
- disminúi l’apetitu,
- retrasa’l vaciamientu del estómadu.
Los fármacos como Wegovy, Ozempic o Saxenda imiten esti mecanismu fixolóxicu, pero con un efeutu más intensu y duraderu.
¿Qué tienen en común?
Los trés:
- actúen sobre’l sistema hormonal que regula fame y saciedá,
- alminístrense por inyeición subcutánea,
- y presenten efeutos secundarios principalmente gastrointestinales.
Sicasí, nun son intercambiables. Caún tien una indicación aprobada distinta, una dosificación específica y una eficacia desigual na perda de pesu.
¿Por qué agora?
Hai trés razones principales:
- Resultados clínicos ensin precedentes, con porcentaxes de perda de pesu nunca enantes algamaos con fármacos.
- El reconocimientu de la obesidá como enfermedá crónica pola OMS.
- Un cambiu de paradigma: entámase a tratar la obesidá como un problema metabólicu, non como una cuestión de voluntá individual.
Nel siguiente artículu analizaremos cómo funcionen estos fármacos nel cuerpu y por qué producen perda de pesu real.
This work is licensed under a Creative Commons Attribution 4.0 International License.
