La empresa Ence Energía y Celulosa, S.A., con presencia n’Asturies na so factoría de Navia, unos de los mayores responsables de la invasión del monte asturianu con ocalitos, atopense nuna fase clave de negociación d’un expediente de regulación d’emplegu (ERE) que podría afectar a decenes de trabayadores ente 2026 y 2027.
Ocalitos esperando ser treslladaos a la fábrica d’ENCE
L’emplegu nunca foi una escusa valible pa la llaceria natural, agora tampocu ye un argumentu real. La compañía afirma que’l procesu ‘forma parte del so Plan de Eficiencia y Competitividad 2025–2027, con l’oxetivu de racionalizar procesos y reforzar la viabilidad económica del grupu industrial n’un contextu de pérdidas continuades y desafíos de mercáu’.
Ence informó a la Comisión Nacional del Mercau de Valores (CNMV) qu’alcanzó un preacuerdu colos sindicatos pa un máximu de 57 contratos que se podríen estinguir pente los cuatro puntos de trabayu: Pontevedra, Navia y les oficines centrales de Galicia y Madrid, ente l’ún de xineru de 2026 y 31 d’avientu de 2027. L’empresa defiende qu’esti axuste contribuye a la so adaptación a un entornu industrial cambiante y serviría pa xenerar mayor competitividad a llargu plazu.
Esta situación vien acompañada d’una continua crítica social y ambiental dirixida a Ence por parte de colectivos ecoloxistes, polítiques, sociales y movimientos vecinales. Pa delles d’estes organizaciones, la empresa nun puede siguir escusándose na creación d’emplegu pa xustificar un comportamientu que consideren “devastador”. Denuncien que la fábrica contamina aire y agua poles emisiones y vertíos asociaos a la produción de celulosa, y que son responsables del llantáu d’hectárees d’ocalitos, propiciadores de llaceriosos incendios y otros efectos negativos.
A nivel sociolaboral, la negociacción ta siguiendo’l so cursu cola intervención de sindicatos y comités d’ empresa, que reclamaron más información y participación na toma de decisiones, denunciando en dellos casos retrasos na mesa negociadora que dificulten lleegar a alcuerdos que palien la perda de emplegu o consigan medies de recolocación y compensación pa los trabayadores afectaes.
Llucía F.Marqués
This work is licensed under a Creative Commons Attribution 4.0 International License.
