El ‘Principado’ repárte 417.000 euros ente más de 100 centros asturianos nel mundiu, una cantidá que raspia’ ridículu y espeya la so falta de compromisu cola emigración asturiana

El Gobiernu del ‘Principado’ vien d’anunciar la concesión de cerca de 417.000 € en subvenciones pa comunidaes asturianes nel esterior, estes ayudes deberían servir pa financiar actividaes culturales, sedes sociales y la proyección de la cultura asturiana fuera del país.

Una cifra ridícula si se tien en cuenta a totalidá de centros, caeas y agrupaciones que trabayen pa caltener la identidá asturiana nel mundio: más de 100 asociaciones y centros asturianoscontribúin cada día a caltener vivos llingua, cultura y tradición nel esterior.

Una inversión simbólica, insuficiente dafechu

Estes entidaes asturianes, organizaes especialmente per América y Europa y articulaes al traviés de la Federación Internacional de Centros Asturianos (FICA), son consideraes nel mundiu de la emigración como auténtiques “embaxaes culturales” d’Asturies fuera del país.

Munchos d’estos centros na diáspora (como los de Buenos Aires, México, Miami, Carquas o Bruseles) realicen festivales, cursos de música y danza, xuntes de memoria histórica y actividaes sociaes qu’enfortien l’orgullu astur al traviés de xeraciones. Pero’l montante de 417.000 € distribuyíu entre más d’un centenar d’estes cases resulta, como denuncien dende los propios centros asturianos, “insuficiente pa cubrir las necessidaes reales” d’una rede d’asociaciones tan estensa, de fechu podríemos dicir que l’mporte raspia’l ridículu.

Alderique sobro prioridaes

Pero nun ye namás lo insuficiente de la subvención, dende la emigración tamién xurde la entruga de si estos fondos deberíen destinarse a programes con un impautu social más direutu, como’l sofitu a emigrantes con necesidaes, iniciatives de retornu o proyeutos d’integración pa nuevos emigrantes asturianos.

L’alderique sobro cómo repartir efeutivamente los recursos pa la diáspora sigue coleando ente asociatives y movimientu emigrante, pero les cifres que remana’l ‘Principado’ pa la emigración nun permite avanzar en dengún sen, espeyando namás l’ausencia d’una política propia, acullá del simbolismu.

Fonsu Braña

This work is licensed under a Creative Commons Attribution 4.0 International License.