La organización presentó una denuncia ante la Confederación Hidrográfica del Cantábricu, la Conseyería de Movilidá, Mediu Ambiente y Xestión d’Emerxencies y el Ministeriuo pa la Transición Ecolóxica ya’l Retu Demográficu, al entender que les obres públiques nel entornu del Santuariu de la Virxe de la Cueva tán provocando alteraciones graves na vega’l ríu La Marea

Na denuncia espónense varios efeutos sobre’l mediu fluvial. La eliminación de vexetación de ribera, con árboles y arbustos retiraos, debilitó la estabilidá de los taludes y la filtración de les escorrentíes, amás d’amenorgar  la protección natural frente a les inundaciones. La organización tamién afirma que la construcción d’una escollera ocupa de manera irregular el Dominiu Públicu Hidráulicu, modificando la sección propia del ríu y xenerando un riesgu mayor d’erosión y posibles desbordamientos. Otra de les cuestiones apuntaes ye la alteración de la topografía y l’aumentu de superficie impermeable cola creación d’una esplanada pavimentada, que multiplica la escorrentía y eleva la probabilidad d’inundaciones na zona.

Ecoloxistes n’Aición d’Asturies pide una inspeición darréu, la suspensión definitiva de les obres y la restauración del calce y de la vexetación retirada. Fasta agora, nengún de los organismos competentes emitió una rempuesta oficial.

Dende la organización señalen que les actuaciones comprometen la seguridá hidráulica, la conservación del ecosistema y la funcionalidá natural del ríu, y que vulneren la normativa vixente sobre proteición del dominiu públicu hidráulicu y la xestión de riesgos d’inundación.