Iniciativa pol Asturianu abrió esti llunes el plazu de matrícula pa una nueva convocatoria de cursos d’asturianu. La formación va desenvolvese na modalidá a distancia, al traviés d’una plataforma dixital, ente’l 6 d’ochobre y el 18 d’avientu de 2025, con una duración total de 11 selmanes (50 hores llectives).
El cursu encadármase en 25 hores de tutoríes a distancia —de calter obligatoriu—, 20 hores de trabayu autónomu y 5 hores complementaries propuestes pola persona tutora. Al rematar la formación, l’alumnáu tendrá d’enfrentase a una prueba final. Esta modalidad en llinia facilita la autoorganización y permite facer les actividaes al ritmu más conveniente pa cada estudiante.
Dirixíu a persones ensin formación previa o con nivel baxu de conocencia de la llingua, esti nivel inicial garantiza una acreditación de la Academia de la Llingua Asturiana pa quien supere’l cursu.
El preciu de la matrícula ye de 75 euros, con descuentu pa les persones socies d’Iniciativa pol Asturianu, que solo tendrán qu’abonar 60 euros. Amás, ye posible facese sociu o socia nel momentu de la inscripción y beneficiase d’esta ventaya.
Les inscripciones pueden formalizase a través d’un formulariu disponible na páxina web d’Iniciativa pol Asturianu.
Susana Sela
This work is licensed under a Creative Commons Attribution 4.0 International License.
