Nel concursu cellebráu nel marcu del Día d’Asturies en Nava, Melisa Bellón, de Tierra Astur, resultó vencedora nel concursu d’echaores cellebráu nel Muséu de la Sidra de Nava. Esta ye la primera vez dende 2009 que una mujer gana nel concursu, la última foi Loreto García.
Cerca de 30 participante compitieron nesti concursu puntuable pal Campeonatu, nel que Bellón destacó pola precisión, estilo y rapidez, llogrando el primer puestu. Atrás quedaron reconocidos echaores como Salvador Ondó (Tierra Astur), Wilkin Aquiles (La Montera Picona), Jorge Vargas (La Montera Picona) y Jonathan Trabanco (Los Portales de Jaminón), qu’ocuparon del segundu al quintu puestu respectivamente.
La última muyer que ganara un concursu en Nava foi Loreto García, nel 2009. Dende entós nun se repitiera una victoria femenina hasta esti añu, seique Melissa ganare en xunetu del 2025 na categoría sub-25, quedando cuarta na xeneral.
El concursu forma parte de les actividaes del Muséu de la Sidra y tien un papel importante na promoción de la cultura sidrera asturiana. La actuación de Bellón resalta pola so consistencia y técnica, ya’l so ésitu representa un estímulu pa la participación femenina.
Llucía F. Marqués
This work is licensed under a Creative Commons Attribution 4.0 International License.
