La entrega del premiu a la sidre con Denominación d’Orixe Protexida del llagar Cabueñes punxo’l ramu a una Fiesta de la Sidra Natural de Xixón con record de participación en toles sos actividaes

Cabueñes DOP resultó ganadora esti domingu del Premiu Elogiu d’Oru al meyor palu sirvíu na XXXIV Fiesta de la Sidra Natural. El fallu diose a conocer al mediudíi nel escenariu de la Plaza Mayor, entantu que nos alrodios —na mesma plaza y na de Pelayo— cellebrábase la preba abierta de la sidre de los llagares xixoneses, poniendo asina fin a diez díes d’actividaes dedicaes a la sidre.

El xueves 28 fixérase un primer corte con una prueba ente los dieciséis llagares participantes, de la que salieron los ocho finalistes. Sobre ellos deliberó esti domingu’l xuráu, que, depués de dellos empates, decidió premiar a Sidra Cabueñes. La notaria Montserrat Martínez dio fe del resultáu pasaes les 13.00 hores, entrégandolu al conceyal de Festejos, Jesús Martínez Salvador, encargáu d’abrir el sobre y desvelar el nome del ganador ante’l públicu.

Diego Agüera, representante de Sidra Cabueñes, recoyó la placa diseñada pol artista Pablo Maojo. Sobre’l secretu de la so ellaboración, apuntó con humor: “mazana asturiana, munchu trabayu y muncho insomniu”.

Pocu anantes, el coleutivu Sidrastur entregaba’l so galardón a la Etiqueta Más Guapina, que nesta ocasión recayó en Sidra Trabanco, un homenaxe al llagar de Llavandera nel añu del so centenariu. La xornada d’entrega de premios entamara a mediudíi col Tonel d’Oru pa Luis Benito García Álvarez, profesor d’Historia Contemporánea de la Universidá d’Uviéu y responsable de la Cátedra de la Sidra, impulsor de la candidatura de la cultura sidrera asturiana como Patrimoniu de la Humanidá pola UNESCO. García Álvarez agradeció l’honor con emoción, calificando la entrega como “un orgullu fondu, pero tamién un compromisu pa siguir trabayando con rigor científicu y amor pola nuesa cultura”.

L’Eloxu d’Oru, presentau pola actriz Nerea Vázquez, cuntó cola música de la Banda de Gaites Noega y col escanciador campeón Wilkin Aquiles, que s’encargó de echar los culinos nes pruebes pal xuráu. La sidre xixonesa siguió animando’l centru de la ciudá hasta la clausura del certame, cerca les tres de la tardi, despidiendo la Fiesta la Sidra con ganes de tornar l’añu que vien como una de les grandes cites del calendariu festivu xixonés.

Susana Sela

This work is licensed under a Creative Commons Attribution 4.0 International License.