El sindicatu URA (Unión Rural Asturiana) denuncia irregularidaes na formación del Conseyu de Caza “Así maniobra la Conseyeria de Mediu Rural pa que los mesmos de siempre sigan ehí y na cambie”
Según denuncia esti sindicatu, va cerca dos meses salía espublizao nel BOPA la disponibilidá d’una plaza vacante pa organizaciones agraries nel Conseyu de Caza, al nun presentase dala solicitú pa la mesma. Dende URA unviaron darréu una solicitú pa ocupar esi puestu, teniendo confirmación de que fueren los únicos en presentala. Díes dempués apaez la composición final d’esti conseyu cola plaza concedía a otru sindicatu, ASAJA, más complaciente pa cola administración y que nun presentare solicitú previamente, cola desplicación lliteral nel propiu BOPA de que la plaza fore ufiertada publicamente porque “hubiere un error administrativu”. Pa los representantes d’URA, esto ye a cencielles una maniobra pa dexalos fuera y ya tan valorando tomar midíes llegales al respeutu.
Finalmente, la representación del sector agrariu nel Conseyu de Caza queda compuestu por Mercedes Cruzado, de COAG, Ramón Artime de ASAJA y Joaquín de UCA, too ello, aporfien dende URA, organizaciones afines a la Conseyería de Mediu Rural.
Susana Sela
This work is licensed under a Creative Commons Attribution 4.0 International License.
