El Principáu autoriza la conexón de los dos primeros parques de los cincu previstos na Corredoria (Uviéu) que tienen 140 contenedores de 3,74 Mwh de capacidá.

Na zona de La Corredoria ta prevista la instalación de 5 parques de bateríes con un total de 260 contenedores. Los allegamientos presentaos dende la Coordinadora Ecoloxista d´Asturies y polos vecinos contra estos allugamientos foron desoyios, pesi a tratase de llugares arrodiaos de viviendes a menos de 150 metros y afectando a los vecinos de Fitoria, Pontón de Vaqueros y la Corredoria n’Uviéu.

El principal argumentu ye la escasa distancia qu’habría ente los contenedores de bateríes y les viviendes. La proximidá trai una fuerte contaminación electromagnética pa la vecindá y los animales.  Los datos percanciaos hasta agora, evidencien que la esposición escesiva a campos electromagnéticos aumenta’l riesgu de lleucemia n’adultos, cáncanu de mama o cerebral.

Los riesgos que suponen esti tipu d’instalaciones en casu de fuga térmica o de quema suponen unes consecuencies irreversibles de suma gravedá pa los colindantes, tanto pal mediuambiente como pa la salú humana, polo que ye inadmitible la so instalación próxima a núcleos de población, llugares d’interés medioambiental o zones protexíes. 

Los parques de bateríes que pel momento se propunxeron n’Asturies son de distintos tamaños, dende los d’un contenedor d’almacenamientu, a instalaciones qu’inclúin hasta 320 contenedores. Agora mesmu conocemos namás los proyectos pa dellos conceyos asturianos como los de Salas, Salime, Siero (4 parques), Llanera (3), Mieres (4), Cangues, Uviéu (11), Avilés (3), Corvera (3), L.lena (3), Colunga, Villaviciosa (4), Soto Ribera, Regueras, Xixón (7), Candamo (3), Gozón (5), Piloña (3), Grau (2), Carreño (3), Cangas Llangréu, Ribedeva, Ribesella. Na so mayoría, allugaríense sobro suelu agrícola, alteriando la coherencia visual de la redolada, y el Principáu, a pesar de les numberoses reclamaciones, nun tomó midida dalguna pa regular esta invasión.

This work is licensed under a Creative Commons Attribution 4.0 International License.