Asturies Insumisa entama en comuña con Banksyastur esta charra-alderique na que se van tocar dos de los mayores problemes que carez la sociedá actual
Separtadamente, la dificultá d’accesu a la vivienda ye un problema social d’estremada gravedá qu’apiora mes a mes, na cabera década el preciu d’alquiler d’una vivienda tipu pasó de e 483 € a 870 € al mes, lo que representa un aumentu acumuláu del 80 %, entantu la dedicación de viviendes al turismu n’Asturies medró un 58% nos caberos cincu años. La población ensin techu medró un 125 %.
Per otru lláu, la falta d’atención a la salú mental, con una tasa de 375 enfermos mentales diagnosticaos por ca 1.000 habitantes, una tasa albidrada de falta de diagnósticu de cerca’l 30% y Asturies lliderando va años la tasa de suicidios -119 persones l’añu pasáu-.
Xuniendo ambos temes, la falta de vivienda digno deriva en serios problemes mentales -depresiones, ansiedá…- y nel otru sen, les persones con enfermedaes mentales representen un altísimu porcentaxe de llos ensin techu, calculándose n’Avilés y Xixón (onde se fexeron estudios al respeutu) qu’alrodiu del 61% de les persones que durmen na cai tienen dalguna triba de problema mental.
De tou ello van falar Asturies Insumisa y l’activista pola salú mental Banksyastur esti xueves 31 de xunetu a les 19:30, nel recién estrenáu Llar El Mazucu, llocal d’Asturies Insumisa y del Sindicatu Asturianu LCT allugáu na Cai Cangues d’Onís, en Xixón.
Llucía F. Marqués
This work is licensed under a Creative Commons Attribution 4.0 International License.
