Ayeri, convocada por Sofitu a Les 6 de La Suiza, hebio en Xixón una concentración pa señalar que’l tercer grau concedíu a les sindicalistes preses ye otra forma más de sometimientu al réxime penitenciariu
Daqué màs d’un cientu de persones concentrábense ayeri na Plaza’l Marqués pa desixir nuevamente la llibertá de los 6 de La Suiza. “La represión nun nos va facer recular. Siguiemos defendiendo la organización nos centros de trabayu y la dignidá de la clase obrera” declararon dende’l grupu Sofitu. Nel actu, al que taba convocada la prensa, anunciáronse les prósimes iniciatives que van ponese en marcha darréu pa continuar cola llucha, que nun va aparar hasta que Les 6 de La Suiza tean na cai llibres dafechu.
Pa entamar, y pa enfrentar la desinformación, van entamase grupos de piquetes informativos qu’esparderán el casu per toa Asturies. El primer piquete acudirá a la naguración de la Feria Internacional de Muestres d’Asturies (Xixón, 1 agostu). Habrá piquetes n’otres feches y llocalidaes, que se dirán anunciando.
Simultaniamente, va facese una campaña internacional de recoyía de robles pidiendo la llibertá plena de Les 6 de La Suiza.
Nel Dos Santos
This work is licensed under a Creative Commons Attribution 4.0 International License.
