La degradación de les condiciones de trabayu de los Axentes de Mediu Ambiente facilita la espoxigue del furtivismu y permiten que se repitan casos como esti
L’apaición el pasáu 18 de xunetu en Degaña del cadabre d’un osu pardu cazáu furtivamente vuelve poner el focu nos delitos cometíos sobro estos pobladores de los montes d’Asturies
L’exemplar muertu trátase d’un osu pardu adultu (Ursus arctos), especie catalogada en peligru d’estinción que suma yá numberoses muertes por furtivismu, denunciaes -ensin resolvese- pola Coordinadora Ecoloxista.
L’animal tenía una estremidá aprisionada por un llazu asitiáu pa la captura d’animales selvaxes, un sistema propiu de los furtivos que non solo afecta a la fauna selvaxe sinón en munchos casos tamién al ganáu doméstico. L’avisu de los restos foi dáu por un particular, pesi a que l’exemplar portaba un collar de radio-seguimientu nel momentu del afayu del cadabre, lo que paez evidenciar defectos nel siguimientu nel programa centinela de control, siendo’l segundu casu d’osu muertu por furtivos qu’atopen particulares, por nun avisar el collar de la so muerte. El casu ye asemeyau al topáu’l 9 de xunetu del 2024 n’Ibias, cuando s’atopó otru osu radiomarcau muertu nun llazu.
Estes muertes ponen de relieve los defectos del Programa de Marcaxe d’Osu Pardu 2024 – 2027, que’l so oxetivu principal ye actuar de centinela frente al furtivismu.
Pa la CEA la degradación de les condiciones de trabayu de los Axentes de Mediu Ambiente ye una de les razones de la persistencia d’estos delitos, yá que por falta de medios abandonáronse midíes como les campañes coordinaes de busca y retirada de llazos.
Susana Sela
This work is licensed under a Creative Commons Attribution 4.0 International License.
