Nesta concentración informaráse de les prósimes aiciones coles que continuará la llucha pola llibertá dafechu de Les Seis de La Suiza
El movimientu sindical asturianu convoca una rueda prensa-concentración mañana, miércoles, 23 de xunetu, a les 19 h, que se fadrá na Plaza’l Marqués (Xixón).
Ellí van informar de la nuea situación penitenciaria de Les 6 de La Suiza, a les que se yos concedió el tercer grau penitenciariu, y anunciaránse aiciones sindicales pa continuar desixendo la llibertá dafechu de les compañeres preses.
Tanto’l Grupu de Sofitu como’l movimientu sindical tienen nidio que’l tercer gráu, entá siendo un avance importante, llográu gracies a la presión ciudadana, nun ye abondo. Lo que se reclama ye l’indultu, ello ye, la llibertá dafechu de les preses como inocentes que son de cualisquier delitu, puesto que nun se pue considerar comu tal l’actividá sindical.
Poro, les movilizaciones continuarán. Na rueda de prensa de mañana informaráse de les prósimes.
Nel Dos Santos
This work is licensed under a Creative Commons Attribution 4.0 International License.
