El Principado invirtió 300.000 euros en facer desapaecer el que foi el principal cientru d’arruelu albentestate de tola Cuenca’l Nalón

La  clausura de les piscines, nel añu 2010, xeneró entós graves perxuicios a la zona, con perda de chigres, kioscos y negocios asociaos a la xente que venía a elles. Los vecinos lleven dende entós pidiendo la so reapertura, incluso ficieron sestaferies pa quitar matu y caltener llimpio lo que quedaba d’elles. L’anterior corporación de Llangreu, del PSOE, anunció un gran proyectu y aseguró que conseñare dos millones d’euros pa les piscines, pero cuando IU llegó al gobiernu aseguró qu’esa partida presupuestaria nun apaecía denyuri. 

Pesi a la voluntá popular, los trabayos de valtu entamaron el pasáu mes de febreru y ya nun queda rastru de les piscines de Pénjamo. Lo que nun ta claro entá ye cual ye la finalidá que la corporación municipal tien pensada pa esos terrenos, nin si llegará a costruyise, comu se prometió, piscines nueves nel conceyu.