La emigración forciada, la falta de recursos económicos, estabilidá llaboral y accesu a la vivienda afalen unos datos de fertilidá de menos d’un fiu por muyer

La edá media d’una muyer pa tener fios n’Asturies supera los 32 años, una de les medies más altes del continente. Eso les que se deciden a tenelos, acordies los caberos datos asoleyaos pola Axencia Europea d’Estadística (Eurostat), correspondientes al añu 2023, la de fios por muyer cayó n’Asturies al 0,94, una cifra que namás ye pior nes Islles Canaries, con una tasa de 0,83 y Cerdeña, con 0,91.

La tasa de fertilidá ye la relación ente muyeres fértiles y fios, polo qu’hai que tener en cuenta otru factor perimportante: non solo hai menos fios por muyer, sinón que progresivamente hai menos muyeres n’edá fértil, lo que refuercia la crisis demográfica, con una cayía de la natalidá costante demientres décades.

La cabera vegada na que la tasa de fertilidá n’Asturies pasó d’un fiu por muyer foi nel 2018 y la posición nos tres piores puestos de la tabla europea lleva llustros marcando la deriva demográfica asturiana hacia un país ensin mocedá.

Amás, Asturies ye un de los paises europeos nos que la maternidá se retrasa más, esperando a los cerca de 33 años pa tener el primer fíu. 

Susana Sela