Depués del multitudinariu aconceyamientu d’ayeri n’Uviéu, tan convocaes movilizaciones esti sábadu en Villabona y tolos miércoles en Xixón

Les amueses de solidaridá, constantes demientres los años que duró’l xuiciu, multiplicáronse na cabera selmana, dende l’ingresu en prisión de les seis sindicalistes condergaes por exercer el sindicalismu. Depués del manifestamientu de Xixón, el mesmu díe de la so entrada na cárcele, hebio concentraciones n’Uviéu, Zaragoza, Valencia, Burgos y Zamora. Mañana reclamarán l’indultu dende Guadalajara ya’l xueves dende Barcelona, Cáceres y Compostela, el vienres dende Barakaldo ya’l sábadu, amás d’una concentración en Sevilla, la protesta tornará a Asturies, con una marcha que saldrá a les 12:15 de Tabladiello pa desplazase a la prisión de Villabona. 

Aparte, de magar el prósimu día 23 y hasta que se consiga que les preses salgan llibres van facese ca miércoles conncentraciones na Plaza’l Marqués, en Xixón, a les siete de la tardi. 

Nel Dos Santos

This work is licensed under a Creative Commons Attribution 4.0 International License.