L’asociación d’ellaboradores de sidre casero de Xixón ta desendolcando una fuerte campaña p’atropar socios, llocalizando llagareros caseros per tol conceyu

“Atención, llagareros caseros de Xixón. Si produces sidra casero pa autoconsumu puedes y debes asociate”. Asina de contundente entama’l cartelu informativu que los miembros de Culete Moyáu tan espardiendo per toles parroquies del conceyu, con resultaos ya visibles y nuevos socios. Los cartelos tan siendo colocaos per tol conceyu, siguiendo una ruta bien trazada p’asegurase de que la información aporte a los interesaos.

Na anuncia informen tamién de la prósima cellebración d’un Concursu de sidre Casero de Xixón esti branu, animando a participar, y remembren a los que faen sidre en casa que “El to llabor ye Patrimoniu Inmaterial de la Humanidá”. 

Nel Dos Santos

This work is licensed under a Creative Commons Attribution 4.0 International License.