El llunes 30 de xunu arranca’l ciclu Cine n’asturianu, una oportunidá única y pionera pa disfrutar de cine de calidá en llingua asturiana, namás por 3,50 €/entrada
Verbéu, l’Asociación de Traductores Profesionales n’Asturianu, reafírmase nel so compromisu d’averar el cine a la llingua asturiana y fomentar el so usu en nuevos contestos culturales y públicos, con esti ciclu de películes en versión orixinal con sotítulos en llingua asturiana.
El 30 de xunu a les ocho menos cuartu del atapecer entamará’l ciclu cola película “All we imagine as light”, qu’esplora la vida de les clases trabayadores en Mumbai, escrita y dirixía nel 2024 por Payal Kapadia . Una selmana más tardi, a la mesma hora, sedrá’l turnu de la verión orixinal sotitulada al asturianu de “Fallen Leaves” , una traxicomedia romántica escrita y dirixía nel 2023 por Aki Kaurismaki. El 14 de xunetu podrá vese “Fanfare”, una comedia dramática que ye’l cuartu llargumetraxe del director Emmanuel Courcol y finará’l ciclu la proyeición de “The substance”, una película de terror de 2024, dirixía, escrita y coproducía por Coralie Fargeat, el 21 de xunu.
Toes elles proyectaránse nel Cine Embaxadores en Foncalada, Uviéu, con un preciu d’entrada de 3,50€.
Susana Sela
This work is licensed under a Creative Commons Attribution 4.0 International License.
