La llista d’espera pa entrar nuna de les Escuelines de la capital ye superior a la suma total de la ufierta de los siete centros
Les escueles infantiles municipales van empecipiar el próximu cursu escolar con toles places ocupaes y una llista d’espera que perpasa en más d’un cientu a la ufierta de los siete centros del conceyu. En total, pal nuevu cursu fueron almitíos 312 menores de trés años ente les escuelinas Dolores Medio, Rubín, La Florida, María Balbín, Corredoria, Montenuño y Cualloto, de xestión municipal pero que van pasar a integrase na rede que promueve la Conseyería d’Educación. Sigue ensin haber fecha de puesta en furrulamientu pa les escuelinas que promueve el Principáu p’ampliar esta ufierta, claramente insuficiente.
La llista d’espera llega a más de 400 pidimientos presentaos por families que nun van cuntar con esti serviciu, indispensable pa la conciliación llaboral. Esto ye, queden más escolinos en llista d’espera que los que son atendíos.
Nel Dos Santos
This work is licensed under a Creative Commons Attribution 4.0 International License.
