El miércoles 18 de xunu, a les 20 h, nel marcu de la Feria del llibru de Xixón (FeLiX), na Carpa Atalaya va presentase’l númberu 40 de la revista Lliteratura. 

L’Academia de la Llingua Asturiana asoleya’l númberu 40 de la revista Lliteratura con motivu del XLV Día de les Lletres Asturianes (2024). La revista axunta nes 136 páxines que la componen delles estayes: poesía, narrativa, diariu, ensayu, traducción y crítica, de los que se va lleer una amuesa nel actu de presentación. La direición ye de Marta Mori y el diseñu d’Henrique Facuriella. Como novedá, esti añu la presentación va facese en Xixón, aprofitando’l marcu de la Feria del Llibru de Xixón.Nel actu, que va moderar Xosé Ramón Iglesias Cueva, van presentar y facer llectura de les sos contribuciones los y les autores Noelia Ordieres, Xavi Cayao ya Inaciu Galán.

Susana Sela

 

This work is licensed under a Creative Commons Attribution 4.0 International License.