Tres del enzarru en Facienda de los comités del ERA y de Bientar protagonizaron ayeri una concentración delantre la see d’EASMÍN, na que participaron cerca un cientu de persones.
Trabayadores d’ERA (Establecimientos Residenciales p’Ancianos) y Bientar decidieron acomuñar nesta protesta pa xunir fuercies énte la mesma Conseyería de Drechos Sociales y Bientar de la que dependen. Revindiquen los servicios públicos qu’Asturies precisa y el trabayu dignu que les persones trabayadores demanden y merecen, denunciando la privatización de los cuidos a persones dependientes y la falta de medios, tanto humanos como materiales.
El comité d’empresa del ERA denuncia la mala xestión de la conseyera Marta del Arco, cola que lleven meses tratando de caltener una xunta negociadora qu’ésta-yos niega, na qu’aldericar el conveniu, los pluses y el nuevu modelu “CuidAS”. Soliciten más personal, más medios, la cobertoria de les vacaciones, el descensu de les ratios y la des-privatización del serviciu públicu como via de solución a los conflictos con un sistema empresarial que nun busca un bon serviciu, sinón la rentabilidá como fin únicu.
Pela so parte el trabayadores de Bientar sí que se reunen cola conseyería, ca dos meses, algamando alcuerdos satisfactorios que s’incumplen sistemáticamente. Reclamen, ente otres cuestiones, el fichaxe d’equipos territoriales, la cobertoria de IT y permisos, la creación d’un protocolu d’agresiones, d’ingresu y d’hospitalización, hores complementaries por solapamientu de turnos y grupos de seguridá en centros de menores.
Trabayadores d’ERA (Establecimientos Residenciales p’Ancianos) y Bientar decidieron acomuñar nesta protesta pa xunir fuercies énte la mesma Conseyería de Drechos Sociales y Bientar de la que dependen. Revindiquen los servicios públicos qu’Asturies precisa y el trabayu dignu que les persones trabayadores demanden y merecen, denunciando la privatización de los cuidos a persones dependientes y la falta de medios, tanto humanos como materiales.
El comité d’empresa del ERA denuncia la mala xestión de la conseyera Marta del Arco, cola que lleven meses tratando de caltener una xunta negociadora qu’ésta-yos niega, na qu’aldericar el conveniu, los pluses y el nuevu modelu “CuidAS”. Soliciten más personal, más medios, la cobertoria de les vacaciones, el descensu de les ratios y la des-privatización del serviciu públicu como via de solución a los conflictos con un sistema empresarial que nun busca un bon serviciu, sinón la rentabilidá como fin únicu.
Pela so parte el trabayadores de Bientar sí que se reunen cola conseyería, ca dos meses, algamando alcuerdos satisfactorios que s’incumplen sistemáticamente. Reclamen, ente otres cuestiones, el fichaxe d’equipos territoriales, la cobertoria de IT y permisos, la creación d’un protocolu d’agresiones, d’ingresu y d’hospitalización, hores complementaries por solapamientu de turnos y grupos de seguridá en centros de menores.
Por tou ello lleven tres díes empresllaos en Facienda y planifiquen más concentraciones comu la d’ayeri.
Amás, presentarán una denuncia ante’l Ministeriu d’ Igualdá por lo que consideren una ‘discriminación indirecta a la muyer’ por parte del Gobiernu asturianu, al meyorar les condiciones llaborales de los sectores masculinizaos mentantu ignoren a los más feminizaos. Remembremos que la fienda salarial n’administración asturiana ye de les más altes del estáu.
Nel Dos Santos
This work is licensed under a Creative Commons Attribution 4.0 International License.
