Pela primera vez en décades entamo a ver grietes preocupantes nel edificiu del réxime clientelar asturianu. Y nerviosismu evidente en sectores que lu sofiten. Nada nun ye eterno.

Les apelaciones al mieu, como esconxuru máxicu social y electoral, acaben siendo inefectives. Ante los problemes hai qu’ufiertar soluciones, non despachar a quien les pide con acusaciones, despreciu y llevantos.

El cambiu de ciclu sábese de la mano de quién va venir. Pero va aportar. Yá lo fixo n’abondos llugares del Estáu y equí ta poniéndose en bandexa. Cuando namás que se tien por alternativa el peselbrismu y la xestión d’una crisis interminable, empobínase pa lo irremediable. Nun par d’años pue voltiár la situación política actual. Lo que se sema, recuéyese. Lleva semándose, cuantisimayá, clientelismu y indiferencia ante los problemes de la xente.

Mires pa onde mires, cinques el sector que cinques, ta tol país astur pates arriba y fechu una llaceria, cola xente glayando y protestando per ende y ensin apurri-yos soluciones, namás que despreciu, desdexamientu y calificativos llamentables. Y, primero o dempués, eso págase caro. Ye lo normal y esperable.