La Coordinadora Ecoloxista denuncia un vertederu de vehículos que dientro de la Reserva Natural de la Ría de Villaviciosa.
La Ría, calificada comu Reserva Natural, Llugar d’Interés Comunitariu, Zona de Protección de les Aves y perteneciente a la “Llista d’Humedales d’Importancia Internacional polos sos destacaos valores ambientales RAMSAR (Convención Internacional relativa a los Humedales d’Importancia Internacional)” alluga nel so interior una sospresa: una nave con teyau d’uralita que se usa comu desguace illegal de coches, n’estáu d’abandonu, con vehiculos despiezaos, neumáticos, llíquidos contaminantes llixiviaos a la ría…cola consiguiente contaminación.
Nel procesu de desguace d’un vehículu, xenérense residuos que tienen de ser xestionados afayaizamente pa evitar daños ambientales y garantizar la salú pública, incluyendo aceites, refrixerante, combustible, llíquidu de frenos, batería, neumáticos, .chatarra metálica, plásticos, vidrio, etc. Tamién hai pieces recuperables y reutilizables.
Ye importante que’l procesu de desguace se faiga en Centros Autorizaos de Tratamientu (CAT), que tan obligaos a xestionar afayaizamente los residuos xeneraos, cumpliendo cola normativa ambiental vixente. La CEA reclama que les autoridaes procedan a la retirada de los residuos depositaos na ría, que se lleven a un xestor autorizau y se descontamine l’entornu de la nave.
Susana Sela
This work is licensed under a Creative Commons Attribution 4.0 International License.
