Los docentes desixen al Principado una negociación seria y acusen a la Conseyeria d’Educación de caltener una actitú “autoritaria ya irrespetuosa” pa colos docentes

El sistema educativu asturianu cuenta, acordies datos oficiales apurrios a entamos de cursu, con 9.635 docentes. Comparando esa cifra coles 30.000 persones que se manifestaron ayeri n’Uviéu pola calidá de la enseñanza pública queda nidio que nun se trata namás d’una cuestión llaboral, de salarios nin de reducción de xornaes, aunque tamién. Trátase de la pervivencia d’un sistema públicu d’educación sobre’l que’l  Gobiernu del ‘Principado’, cola Conseyera d’Educación Lydia Espina a la cabeza, lleva tiempu aplicando una política de retayos, contraria a los trabayaores de la enseñanza y más cercana a los intereses de les patronales de la enseñanza privada que a les necesidaes de les escueles públiques asturianes, una política que non solo perxudica a los docentes sinón qu’amenorga la calida educativa de la reciella y mocedá asturianos. 

Ye por ello que la sociedá asturiana dafechu ta volcándose nes vindicaciones d’esti coleutivu, en movilizaciones qu’acomuñen a docentes, families y estudiantes nun clamor pola escuela pública asturiana qu’al Principado nun-y va resultar fácil desoyer.

Susana Sela

This work is licensed under a Creative Commons Attribution 4.0 International License.