Hai que remembrar que les seis sindicalistes de la CNT foron condergaes a tres años y mediu de prisión ya’l pagu de 150.000 euros por “coacciones graves y obstrucción a la xusticia” tres d’una campaña de protesta contra’l propietariu de la pastelería La Suiza, acusáu d’acosu llaboral y sesual hacia una trabayadora, una campaña qu’incluyó concentraciones frente al establecimientu, distribución de pasquines, cartelos y un vídeu denunciando los fechos, actos qu’en dengún casu puen considerase delictivos.

La incredulidá xeneral ante la denuncia aconceyó una fortísima movilización na que se solidarizó el conxuntu de la sociedá asturiana, pero en xunu del 2024 y pesi a la ilóxica de la conderga y la presión popular, el Tribunal Supremu ratificó la conderga. La protesta social al respeutu, lloñe d’apanguar, multiplicóse, con movilizaciones, cadenes humanes y actos de sofitu per tol Estáu baxo los llemes “Facer Sindicalismu nun ye delitu” y “Nun tais soles”.  

La conderga supón un ataque al sindicalismu combativu y a la defensa de los drechos llaborales, pero tamién un duru golpe a los drechos de les muyeres, ya que’l delitu qu’orixinó les protestes aniciales sigue impune y la castigada ye la víctima.  “Condérgase a unes sindicalistes por exercer los sos drechos d’ organización y manifestación, a unes muyeres por curiar de muyeres, por defendese” manifiesten dende la CNT nun comunicáu.

Llucía F. Marqués