Recoyemos el comunicáu de la Comisión de Festexos de les Fiestes de Deva, en Xixón, porque camentamos que’l país faese tamién dende la folixa y queremos agradecer el so llabor a toa esa xente que trabayen comu xabaces pa que nun muerran les fiestes de prau, los alcuentros sidreros, les nueches en danza y toles folixes pensaes por y pal pueblu, pol preste de xuntase y esfrutar de ser

Tres de ca fiesta de prau auténtica hai un grupu de vecinos que se dexa’l pelleyu.

Somos una comisión de fiestes si, pero sobre todo somos pueblu. Somos quienes trabayamos tol añu pa que cuando suene la gaita tiemble’l corazón del pueblu.

Porque esto nun ye un eventu d’escaparate. Esto ye tradición, ye sidra al ríu y barru hasta les rodiyes. Esto nun lo organiza una empresa con llogu, sacalo alantre la vecindá con alma.

Equí nun hai camerinos nin zones pa escoyios, hai merenderos con tortiella y bancos de maera. Nun hai precios de llocura, hai vasos reusables y música de la bona. Nun hai postureu, hai música que xune xeneraciones, hai allegría, historia, emoción y esi rollu tan nuestru que solo se siente si vienes col corazón abiertu. 

Defendemos les fiestes auténtiques, non les que vienen con talonariu y promotores que nun conocen nin el nome del pueblu. Porque una folixa ensin raigañu  ye namás un espectáculu vacíu y equí los raigaños métense bien fondo, onde ñaz lo que sentimos de verdá. 

La fiesta ye del Pueblu, que nun muerra. 

Apoya lo que ye de nueso.

This work is licensed under a Creative Commons Attribution 4.0 International License.