Bonos díes, bona xente.
Alborecemos col cielu poco nuboso o escampláu ya con unes temperatures que tan alrodiu de los 12ºC, rexistrándose nel puirtu Payares 10ºC.
Güei vamos tener escasa nubosidá pela mañana pa dir medrando y desendolcándose a partir del mediudía, sobre too na fastera ocidental d’Asturies. Yá pela tarde eses nubes van dexanos xarabatos de calter tormentosu que puen ser fuertes al finar el día nel oeste asturianu pero que van afeutar a casi toa Asturies, si nun ye güei nel prósimu riscar. Les temperatures ascenderán bultablemente y l’aire sedrá sele ya variable pudiendo soplar racheau y fuerte cola truena.
Mañana llunes vamos tener el cielu mui nuboso con xarabatos intermitentes, amás les temperatures descenderán moderadamente y l’aire tenderá a ser de componente norte.
El martes escamplará ya tendremos un bon día, soleyeru y primaveral, con sol pero sin calor.
Que paséis un bon domingu collacies ya collacios.
Semeya que mos l’apurra la nuesa collacia Consuelo Vázquez
This work is licensed under a Creative Commons Attribution 4.0 International License.
