Bonos díes, bona xente.
Alborecemos col cielu nuboso ya con unes temperatures que tan alrodiu de los 12ºC, rexistrándose nel puirtu Payares 4,4ºC.
Güei va dir dixebrándose la nubosidá, pa dexanos el cielu con nubes ya claros o abancios anque les nubes baxes y el borrín van dir ganando terrén de nuevu al atapecer, pa dexanos el cielu nuble con unes temperatures n’ascensu. L’aire sedrá del nordés y podrá soplar cafiante nel llitoral.
Mañana sábadu alboreceremos ente’l borrín y la nublina na fastera central asturiana, tando más escampláu na cordelera, puntos de la costa y fastera surocidental asturiana. Durante’l día, per un lláu dixebraranse’l borrín del alborecer y per otru va dir entrando nubosidá alta d’oeste a este qu’empuercará’l cielu con unes temperatures que siguen subiendo.
El domingu va tar poco nuboso en xeneral con un ascensu bultable de les temperatures anque de tarde medrarán les nubes de desendolque pudiendo dexar a última hora dellos xarabatos de caltere tormentosu.
Que paséis un bon vienres collacies y collacios.
This work is licensed under a Creative Commons Attribution 4.0 International License.
