L’Asociación un Pulmón pal Solarón convoca a una xornada revindicativa nel espaciu que reclamen pal usu públicu vecinal

Un Pulmón pal Solaron revindica la utilización de la parcela pública xenerada pol valtu de la estación ferroviaria del Humedal pa fines públicos d’arruelu y la creación d’una estación intermodal en condiciones, aprovechando la única parcela de suelu públicu disponible nel centru la ciudá.

El prósimu sábadu 24 de mayu convoquen a la ciudadanía a participar nuna riestra d’actividades nes que va facese precisaemente eso: utilizar l’espaciu comu zona vecinal d’arruelu, con talleres y actividaes pa mayores y reciella y un taller de costrucción en comuña de bancos y mobiliariu urbanu pal parque. Tamién va cocinase y compartise una paella con enerxía solar, y animen a los vecinos a acudir cola so comida pa compartir y aprofitar la ocasión pa falar del futuru d’El Solarón.

Susana Sela

This work is licensed under a Creative Commons Attribution 4.0 International License.