La planta d’ENCE en Navia permanez parada dende l’aniciu d’una fuelga indefinida, convocada pol comité d’empresa como respuesta al ERE plantegáu pola dirección, que supondría la perda de decenes de puestos de trabayu.

Según los representantes de la plantía, la fuelga ta siendo secundada pola totalidá de los trabayadores, lo que provocó la paralización completa de l’actividá industrial. La empresa xustifica’l procesu por causes económiques y productives, mentanto que dende’l comité cuestiónense les cifres presentaes y denúnciase la falta d’un plan industrial solvente que garantice’l futuru de la fábrica y del emplegu.

Movilización social y sofitos públicos

El conflictu provocó una importante movilización social na comarca, con concentraciones y manifestaciones de sofitu a la plantilla, como yá asocediera n’otros procesos de reconversión industrial n’Asturies
Amás, distintes organizaciones sociales, sindicales y polítiques fixeron públicos comunicados de sofitu. Ente elles, Andecha Astur espresó’l so sofitu a los trabayadores y criticó duramente la actitú del Gobiernu del Principáu, al que acusa de caltenese “d’adornu” mentantu se destrúi emplegu industrial estratéxicu.

Un conflictu abiertu ensin solución a la vista

Dende’l Gobiernu autonómicu anunciaron reuniones y peticiones d’información complementaria a la empresa, ensin que por agora se produxeren avances significativos. Mentanto, la fuelga indefinida sigue vixente y la negociación permanece empantanada.

La plantía reclama una intervención institucional real y efectiva, que vaya acullá de la mediación formal y priorice la defensa del emplegu y del futuru industrial d’Asturies

This work is licensed under a Creative Commons Attribution 4.0 International License.