La perda de soberanía enerxética favorecía pola “descarbonización” descontrolao lleva a Asturies a la pior situación de tol Estáu
Nun se sabe si ye por ineficiencia de los nuesos gobernantes o si se fizo a costafecha, pero la enerxía verdi que diba compensar l’apagón del carbón nun ta denyuri. La descarbonización valió pa fundir dafechu les cuenques mineres pero, comu munches entidaes ficieron ver nesi intre, la necesaria reconversión enerxética nun podía facese ensin un plan de sustitución que cubriere la perda enerxética, llaboral ya económica.
Les consecuencies no llaboral y social son evidentes. No enerxético, namás nel caberu añu Asturies perdió un 16% de capacidá de xeneración enerxética, cuatro vegaes más qu’andalucia, los segundos que más perdieron. Madrid curiosamente nun perdió res, compensando ampliamente con enerxíes renovables el 0,1% de capacidá enerxética perdía coles térmiques.
Pol intre, Asturies entá xenera enerxía abondo pa caltener el so consumu, pero prevése que d’equí al 2030 el furacu que dexará’l carbón perpasará los 2.200 megavatios, ya que nel 2021 entá provinieron del carbón un 38,3% de los vatios xeneraos.
Les implicaciones de la perda de soberanía enerxética, másime cola importancia de la industria lletricointesiva n’Asturies, incluin una mayor dependencia y vulnerabilidá ante los manexos del mercáu llétricu, precisamente nun intre en que’l control de les enerxíes ye clave pal desendolcu industrial ya’l bientar social.
Llucía F. Marqués
This work is licensed under a Creative Commons Attribution 4.0 International License.