• Portada
  • >
  • Opinión
  • >
  • Carta en sofitu a los sindicalistes acusaos ensin argumentos

Carta en sofitu a los sindicalistes acusaos ensin argumentos

  • 23 Setiembre, 2022

Félix Redondo miembru de la CSI , delegáu de la seccion sindical de JustEat y Alberto Alonso Beunza, miembru de la CSI y delegáu de la sección sindical de GLOVO unvien una carta n’honor a los seis sindicalistes sentenciaos inxustamente por realizar el so llabor sindical, agradeciéndo-yos tou lo que ficieren por toos y denunciando la falta de xusticia nel Estáu Español

Ellos mesmos son tamién activos sindicalistes, presentes en toles revindicaciones y lluches que se tan llibrando anguañu n’Asturies y que vivieron -Félix- nes sos propies carnes la esperiencia d’un xuiciu inxustu. Darréu, el so escritu:

“Queremos dexar claro que nun esiste la democracia, nun esiste la igualdá, que la igualdá ye una utopía y nun se sabe cuando va llegar. Dexar claro qu’últimamente te sentencien  ensin fundamentos, ensin nengún argumentu nin pruebes fehacientes al casu que correspuenden.
Hai xente asgaya que pasó por eso, mesmo yo mesmu Félix Redondo. Soi padre d’una neña de 6 años recién cumplíos y nun hai muncho tuvi de pasar por ciertes coses que la verdá nunca pensé. Fui xulgáu ensin nengún xacíu, etiquetándome por coses que nun fixera solo por faeme dañu, alloñándome de coses que na mio vida yeren y son importantes pa min. Se lo que ye sentase nel banquín de los acusaos y tener que defendete duramente mientres recibes golpes, etiquétente y xúlguente.
Falen de democracia, pero ellos tán desaniciándola. ¿Que clase de xusticia tenemos nesti país, que xulguen a les persones ensin pruebes contundentes y con solo un testimoniu de la persona demandante. Eso nun ye xusticia, ye corrupción.
Paez qu’anguañu faer sindicalismu ye un delitu y nun se puede lluchar polos derechos nuesos, porque si nun sigues la so política d’estáu senténciente.
Una de les persones afeutaes, que les sos iniciales son H.G, padre de familia y una gran persona, que s’enfota n’aidar a toos por igual y polos drechos de los trabayadores, foi condergáu na menos qu’a 3 años y mediu con cárcele y como diz l’artículu 20 de la constitución española, tolos ciudadanos tenemos drechos de llibertá d’espresión, ensin ser xulgaos nin multaos o acribillaos por ello. Eso nun podemos permitilo, por que si dexamos que pase esto lo siguiente ¿que va ser?.
Tamos más al esmucir d’otra dictadura que de la democracia.
Últimamente vi coses non mui normales d’esos personaxes, que falen más de la cuenta y dicen de protexer al pueblu, solo por quedar bien, pero toos sabemos la verdá, eso nun ye asina, anque non toos s’atreve a dicilo por medrana o por sentise menaciaos.
Nesti mundu hai dos grupos, los qu’amen, sofiten y lluchen y l’otru, el de los memos, que cuanto más poder tienen más quieren y déxense mercar.

Cualesquier qu’intente pasar perriba de la to voluntá, perriba la voluntá del pueblu, llámase-y tiranu y toos nós tenemos los nuesos drechos unos drechos que munches vegaes niéguensenos.
Confío en qu’en dalgún momentu esti pueblu, que rellumo mientres munchu tiempu pola so xunión y llucha, espierte y se xuna, porque la xunión fai la fuerza y toos xuntos somos más fuertes; pue qu’haiga mieu, pero’l mieu  combátes y conviértese en fuercia y van ser otros dempués los que tengan mieu. Adulces va salir el pueblu que nel so día fuimos y como esto siga asina muncha xente nun se quedara de brazos cruzaos.

Porque?
Porque como dixo un gran señor de pies a cabeza
Cola alma colectiva salvamos toos
O con ella individual vamos toos al infiernu”

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies