• Portada
  • >
  • Opinión
  • >
  • Los viaxes en tren pela variante Payares entarden 9 menutos más qu’anantes

Los viaxes en tren pela variante Payares entarden 9 menutos más qu’anantes

  • 24 Setiembre, 2021

Llucía F. Marqués

Tres de la fuerte propaganda istitucional de la redución de 18 menutos nel viaxe a Madrí, la realidá ye que nos sos primeros viaxes el tren entardó 9 menutos más qu’anantes d’abrir la variante

Esta selmana abrióse la circulación pela variante d’El Payares. Gran folixa gubernamental, les palmaes nos costazos sintiéronse fasta n’El Sueve. Adrián Barbón declara, na so llinia, que “Asturies supera’l so aisllamientu” nesti “díe hestóricu de verdá”. 

Escaezamos les rellaciones col Arcu Atlánticu, afitaes dende la Edá’l Bronce, inoremos l’aisllamientu internu qu’allarga los viaxes de pueblu a pueblu fasta lo inaudito -precisándose a vegaes el díe enteru pa movese pente conceyos-, salimos del aisllamientu por recortar 18 menutos de viaxe dende Uviéu a la capital d’España, que ye lo que cuenta.
Escaezamos tamién qu’esta obra lleva 30 años de retrasu, que se plantegó va 40 y que ñaz obsoleta, con un coste de cerca 3.500 miyones d’euros.
Sigamos faciendo declaraciones grandones. La Ministra de Tresportes nun quier quedar atrás y reta a Iker Jimenez “queden despeyaes toles incógnites” (¿?). Nun ye d’estrañar esta declaración tan mística, porque’l representante d’Adif desveló que “Asturies entra n’otra dimensión”
Sicasí, dexamos lo meyor d’esta hestoria pal final. Prometieron (oh, maravía) una redución de 18 menutos nel treslladu a la capitalona. El fechu ye que nos primeros viaxes el tren entarda… nueve menutos más. Nun me queda claro si eso mos devuelve a una dimensión anterior, si medren les incógnites, volvemos al sieglu XIX o podemos consideraos nuevamente n’aisllamientu. Coses del provincianismu crónicu.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies