Parte metereolóxicu

ESTAU DEL TIEMPU Y PREDICIÓN.

@eltiempunasturies.com
Martes 23 de Xineru 2.018

Bonos díes, alborecemos con nubosidá fragmentada y con unes temperatures que tan alrodiu los 10ºC, rexistrándose nel puirtu Payares 5,3ºC.

Güei tendremos intervalos nubosos entemcidos con dellos claros con unes temperatures que se caltendrán suaves y col aire sele y variable.

Mañana miércoles seguiremos nel cielu con dalgunos intervalos nubosos entemecidos con dellos claros, con unes temperatures que seguirán siendo suaves, y col aire que sedrá gallegu arreciando pela tarde nes zones altes de montaña. A últimes hores tendremos un aumentu de la nubosidá pa dexanos el cielu nuble pero ensin precipitaciones salvo na fastera ocidental d’Asturies onde entamará a llover al escurecer.

El xueves la llegada d’una vagada atlántica que vien acompangada por una bolsa d’aire fríu n’altor intensa, va dexanos precipitaciones ente febles y moderaes con xarabatos tormentosos pela costa y nevaes na cordelera, qu’anicialmente sedrán perriba de los 1500m pero que baxará rápidamente fasta situase, durante la tarde y sobre too al escurecer, perriba de los 600m. Les temperatures descenderán bultablemente y l’aire xirará al noroeste con raches moderaes en zones altes de montaña y puntos del llitoral.

El vienres seguirá lloviendo y nevando pela cordelera pero con subida de la cota de nieve perriba de los 1000m, y ye que la bolsa de fríu n’altor, retirase ceo , ocupando el so espaciu les altes presiones, con unes temperatures que camudarán poco o medrarán llixeramente. L’aire seguirá siendo del noroeste con raches moderaes en zones de montaña y puntos del llitoral.

Pal sábadu seguimos col pronósticu de frente comenieves, pero esto ya lo diremos viendo

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies