Parte metereolóxicu

ESTAU DEL TIEMPU Y PREDICIÓN.

@eltiempunasturies.com
VIERNES 27 d’Abril 2.01

Bonos díes, alborecemos con intervalos nubosos entemecidos ente dellos claros y con unes temperatures que tan alrodiu de los 11ºC, rexistrándose nel puirtu Payares 7,7ºC.

Güei pela mañana tendremos nubes y claros con ambiente sele, pa dir aumentando la nubosidá pela tarde y dexanos el díe nuble al atapecer cuando puen dase dalgunes precipitaciones en forma d’orpín. Les temperatures tenderán a descender sobre too pela tarde y en zones de montaña onde’l descensu pue ser bultable y l’aire sedrá del oeste-noroeste con dalguna racha moderada en zones altes de montaña y en puntos del llitoral.

Mañana sábadu entraremos de sópitu de nuevu nel iviernu, con nubosidá abondosa que vendrá acompangada de precipitaciones que sedrán moderaes pela tarde y amás la nieve pue cayer perriba de los 1000-1300m, con un descensu moderau de les temperatures y l’aire sedrá del norte.

El domingu seguiremos col tiempu ivernal anque pela mañana tendremos poques posibilidaes de lluvia de cara la tarde los xarabatos de calter tormentosu van ser frecuentes y moderaos, con unes temperatures que se caltendrán fríes y la cota de nieve seguirá ente los 1000-1300m. L’aire sedrá del oeste-noroeste con dalguna racha moderada nes zones altes de montaña.

El llunes y martes seguiremos cola mesma situación anque con dalgo menos d’agua, dándose les precipitaciones peles tardes en forma de xarabatos de calter tormentosu, con nieve pelos 1200m y con temperatures fríes, amás l’aire seguirá predominando la componente noroeste.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies