• Portada
  • >
  • Conceyos
  • >
  • El Conceyu de Xixón torna a dexar nel aire el Festival Internacional de Gaites

El Conceyu de Xixón torna a dexar nel aire el Festival Internacional de Gaites

  • 4 Xunu, 2018

La banda “Villa de Xixón”, que vien entamando l’eventu dende va 18 años, denuncia l’incumplimientu de lo pautao y la retirada de fondos cuando ya tan contrataos tolos participantes

Depués de tener presllaos tolos contratos, vuelos y reserves d’hoteles, la banda recibe l’avisu del recorte de 9.000 € de los proyeutaos pal desendolque del Festival Internacional de Gaites y pal montaxe del espectáculu “Spirum” nel Xovellanos, encargáu pol conceyu y que cuenta cola participación d’artistes comu Jose Angel Hevia y Marisa Valle Roso.

Entrambos eventos, el Festival y “Spirum”, foron alcordaos separtadamente con presupuestos de 15.000 y 9.000 € respeutivamente, pero les caberes noticies son que finalmente namás podrán cuntar con 15.000 € pa los dos, daqué que según la Banda de Gaites “Villa de Xixón” ye inviable. Pa ellos la prioridá sedrá sacar alantre el Festival, que ya se viere menaciáu por falta de sofitu municipal l’añu pasáu, cuando los gaiteros entamaron concentraciones coles sos gaites na Casa Conceyu pa presionar l’alcuerdu económicu.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies