Presentación de la revista Cultures nb. 21

  • 23 Mayu, 2018

Esti xueves, n’Uviéu, l’Academia de la Llingua Asturiana presenta’l númberu 21 de la revista CULTURES, dedicáu al xuegu tradicional asturianu

Esta edición ta dedicada de manera cuasique monográfica a la cultura del xuegu ya’l esporte n’Asturies. El primer artículu «Un averamientu al estudiu del xuegu tradicional n’Asturies», da la entrada a dellos trabayos, escoyios y coordinaos pol especialista Carlos Suari Rodrigue baxo la direición de Roberto González-Quevedo.

Nos artículos podemos alcontrar referencies a los xuegos populares n’estremaes fasteres d’Asturies, comu Quirós, Caldones o Morcín, pente otros, y testos dedicaos a xuegos o persones concretos, pero tamién reflesiones sobro la emportancia del xuegu na costrución social del país, na normalizacion llingüística y na didáutica.

Na presentación, que tendrá llugar el xueves 24 de mayu n’Uviéu, dellos autores fadrán una introdución a los sos artículos. Amás , l’actu va cuntar coles intervenciones de Xosé Antón González Riaño, presidente de l’ALLA; Roberto González-Quevedo González, direutor de la revista, y Carlos Suari Rodrigue, coordinador d’esti númberu.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies