La xugadora internacional y l’esxugadora Berta García van impartir un clinic y van dar una charra sobro los valores del rugby, en Xixón

Patricia García va espublizar nun eventu los valores del so deporte al traviés del so proyectu Rugby&Values Club. La cita va tener llugar el próximu día 16 de mayu, de magar les 19:15 h. nel campu de rugby Les Mestes (Xixón).
L’eventu va cuntar amás cola presencia de la esxugadora internacional Berta García. Empobináu a muyeres d’edá sub 16 parriba, esti alcuentru va entamar con una charra, a la que va siguir un entrenamientu. Y, pa concluyir, Patricia García y Berta García van ufiertar a les asistentes una reflesión final. Tou pa espublizar los valores positivos del rugby.

¿Qué ye’l proyectu Rugby&Values Club?

Rugby&Values ye’l proyeutu de Patricia, deportista olímpica, que la so meta ye la meyora de la sociedá al traviés de la educación de les persones. Los valores del rugby trescienden por aciu una pedagoxía onde’l xuegu y les vivencies personales son la base del aprendizaxe.
Asina, l’individuu atopa la llibertá pa sacar el so másimu potencial, col que contribúi a la meyora del coleutivu. Nestes xornaes esos valores ponense’n práutica al traviés de charres, talleres y xuegos. Dende l’entrenamientu, cada persona aplicalos a la vida. Deprendemos viviendo.
Rugby&Values ispira a la xente qu’entra en contautu col programa a apurrir la so visión y la so esperiencia. El programa xorrez, non solo na so metodoloxía, sinón a la de proponer una forma d’educar y de xenerar el cambéu al traviés d’aiciones individuales al algame de toos.

Nel Dos Santos

This work is licensed under a Creative Commons Attribution 4.0 International License.