• Portada
  • >
  • Conceyos
  • >
  • Xixón Turismu sofita a les empreses que quieran ser caltenibles

Xixón Turismu sofita a les empreses que quieran ser caltenibles

  • 9 Mayu, 2018

La ciudá asturiana entama’l programa Compromisu Biosphere Xixón p’asesorar a les empreses que quieran ameyorar nel aforru y la xestión eficiente de recursos, participación en programes sociales, meyora de la formación del personal, compres de km. cero y práutica de xeitos saludables, ente otres midíes pa espardir la caltenibilidá urbana

Xixón Turismu entama güei “Compromiso Biosphere Xixón”, un programa sofitáu pol Institutu de Turismu Responsable que tien como finxu tresmitir bones práutiques y vezos de xestión responsable nes empreses y servicios turísticos de la ciodá. Ye un sistema d’algame internacional empobináu a los 17 Oxetivos de Desarrollu Caltenible de Naciones Xuníes que busquen desendolcar un impautu social, económicu y ambiental positivu nes empreses y na ciudá.

Les empreses que quieran participar nel programa van recibir asesoramientu p’afitar ameyoramientos venceyaos col aforru y la xestión eficiente de recursos, participación en programes sociales, meyora de la formación del personal, compres de km. cero, práutica de xeitos saludables, ente otres. Como resultáu, van algamar el sellu internacional “Biosphere Committed Company” o “Compromisu Biosphere”. La so anovación va ser añal.

Ye una oportunidá pa cualesquier empresa o serviciu turístico que desee formar parte de l’apueste pola caltenibilidá, lo que supón pertenecer a una comuña de destinos y empreses turístiques de sonadía a nivel internacional y formar parte del portal nuevu de venta d’esperiencies de Biosphere.

Destinos turísticos importantes como Barcelona, Portugal, Colombia o Canadá yá incorporaron a les empreses y servicios turísticos a trabayar colos parámetros “Biosphere”.

Esti ye un pasu más nel apueste de Xixón pola sostenibilidá. En 2013, la ciudá algamó la certificación Biosphere Destination, concedía pol Institutu de Turismu Responsable, y que cunta col sofitu de la UNESCO, la Organización Mundial de Turismu (OMT) y el Conseyu Global de Turismu Caltenible (GSTC).

Arriendes d’ello, va 3 años púnxose en marcha Xixón Turismu Responsable, un programa de bones práutiques sostenibles, pioneru, que güei da pasu a esti proyeutu nuevu Compromisu Biosphere Xixón.

Pa sumase al programa ye preciso contautar col tel. 984 49 24 07 o pel corréu lletrónicu contacto@gijonconcalidad.com.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies