Campaña asturiana pola oxeción fiscal al gastu militar.

  • 4 Mayu, 2018

Desíxese el drechu d’oxeción de conciencia al pagu d’impuestos con fines militares, recortando’l presupuestu de guerra y buscando un alderique sobro la militarización social, cultural y económica

La Oxeción Fiscal ye una campaña de desobediencia civil que grupos pacifistes y antimilitaristes lleven proponiendo de magar 1982 y que miles de persones lleven a cabu ca añu. Nella convídase a los que faen la declaración de la renta a amosar la so refuga a caltener el gastu de preparación de les guerres y del caltenimientu del exércitu la policía y otros cuerpos armaos, negándose a pagar a Facienda una cantidá igual a la que, en proporción tiene esi destín (según los Presupuestos Xenerales del Estáu español), y desviando eses perres a finalidaes sociales.

Nesta campaña puede participar cualisquiera, trabayaores, paraos, estudiantes, a pagar o a devolver. Les cantidaes a oxetar dependen de caún, seique la propuesta ye la cifra resultante de dividir el gastu militar total del añu pente los habitantes del estáu, ello ye esti añu unos 402 euros por persona.

Esta campaña ye llegal, nun conlleva sanciones económiques y lleva décades furrulando n’otros estaos, comu Alemania, Holanda, Canadá, EE.XX, Francia, Italia, etc.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies