Uviéu acueye de magar el vienres 19 la tercer edición d’esti festival de cultura alternativo protagonizáu dafechu por muyeres
Del 19 al 22, la III edición del Muyeres Fest dará relieve a lo que les muyeres apurren a la cultura’l país, franciendo moldes ya estereotipos culturales pa visibilizar l’universu femenín tantes vegaes escurecíu pol patriarcáu.
Ampliáu en númberu de díis -pasa d’un a tres- ya en conteníu, la conceyalía d’Igualdá del conceyu d’Uviéu espera que la repercusión d’esti Muyeres Fest sedrá más participativu, como continuación al movimientu #8M y #MeToo.
La programación, que tendrá estremaos escenarios per tou Uviéu, entamará na tardi del vienres 19 con una puesta n’escena na Plaza’l Fontán y finará con una xinta popular y conciertu na Plaza’l Paragües el domingu a mediudíe.
Nuria Prendes
This work is licensed under a Creative Commons Attribution 4.0 International License.
