L’actual sistema educativu ya’l desconocimientu per parte de los docentes esbardia de contino el talentu de los escolinos más capaces, llevándolos al fracasu académicu y personal

Les Altes Capacidaes tán catalogaes como “Necesidá Especial” dientro de l’actual llexislación educativa, pero de fechu les midíes que se tomen nos centros una vegada realizáu’l diagnósticu oscilen pente escases y nules, poniéndose en práutica bien d’avezu téuniques errónees coles que se consigue precisamente lo contrario a lo que se busca.

Les families con menores especialmente intelixentes lleven décades sintiendo les mesmes frases “a min nun me lo paez” “pero tien bien mala lletra”, “tien d’atender más en clase” “tendría d’aprender a xestionar la so aburrición”, “ye disruptivu/a”, “tien d’afaese a les normes”, “tien de ser más curiosu/a” y otres munches asemeyaes, qu’espeyeb a les clares la descomanada inorancia esistente sobro estos alumnos.

P’apangar esti desconocimientu y apurri-yos delles ferramientes básiques pa la comprensión y xestión de les AACC, la Fundación Talentium entama los díes 4 y 5 un Seminariu entituláu “Trabayar el Talentu na Educación” nel qu’ufierten a tolos profesionales de la educación (maestros, profesores, direutores, orientadores y demás profesionales rellacionaos cola Educación de la escuela público y alcordao del territoriu nacional) la oportunidá d’aprender metodoloxíes de trabayu venceyaes cola alta capacidá, cola esperanza de que se entamen a utilizar les tan necesaries ferramientes que permitan la reconocencia y aprofitamientu del talentu.

El vienres 4 el seminariu va cuntar cola presencia de Javier Tourón, una de les mayores eminencies nesta tema, quien defende que “El talentu que nun se cultiva, piérdese”.

El sábadu 5 va ser una xornada prácutica dafechu, na que los participantes nel seminariu, orientaos por espertos na materia, van poner en práutica lo deprendío nel seminariu.

Llucía F. Marqués

This work is licensed under a Creative Commons Attribution 4.0 International License.