Balta indiscriminao de castañales en Casu

  • 13 Abril, 2018

La venta de la maera de los árboles baltaos apurre bayurosos beneficios a la Casa Conceyu, que nun se revierten na repoblación de les castañales

La Coordinadora Ecoloxista d’Asturies, solicitó al Conceyu de Casu que detenga’l baltar de miles de castañales que se ta realizando nel monte Allende, balta que se suma a otres realizaes nel conceyu sobro decenes de miles d’árboles nos caberos años, cola sida d’erradicar la plaga por hongu que carez esta especie arborícora.
L’impautu d’estes baltes de monte autóctonu ye desolaor, tantu pal paisaxe como pa la flora y fauna d’estos montes.
Casu ta dientro’l Parque Natural de Redes, Reserva de la Biosfera y que pertenez a la rede ecolóxica Europea Natura, incluyendo zones especiales de proteición y caltenimientu ZEC.

Esti tipu d’actuaciones silvícoles, llueñe de favorecer la biodiversidá, producen cuantiosos ingresos al Conceyu pola vienta de la madera, según denuncien los ecoloxistes, siempres a la mesma empresa.
El dineru llograo de la venta de maera nun se reinvierte en trabayos forestales destinaos a la repoblación y clasificación de los biltos de los castañales valtaos, dexando que bilten enfermos y sanos entemecíos y abandonando nel monte la madera non aprofitable infectao, lo que difícilmente va finar cola plaga d’hongos, perpetuando asina la esculpia pa siguir baltiando.

Poro, dende la CEA vuelven solicitar tantu al Conceyu como al “Principado”, que consiente estes baltes masives, que se faiga una revisión del plan téunicu de xestión de la castañal, teniendo en cuenta l’estudiu biolóxicu del Serida y s’apare de baltar les poques castañales que queden.

Llucía F. Marqués

This work is licensed under a Creative Commons Attribution 4.0 International License.

1 Comment Already

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies