Asturies: menos llares y más vacios

  • 13 Abril, 2018

Los datos de la Encuesta Continua de Llares correspondiente a 2017 realizada pol INE amuesen que non solo somos menos sinón que amás vivimos más solos

N’Asturies el númberu de llares habitaos baxó un 0’3%, fasta los 454.7000, de los que 136.000 -500 más que nel añu anterior- tan ocupaos por una sola persona, ello ye, que cerca’l 30% de los asturianos viven solos.

Dientro de les cases onde vive más d’una persona, el tamañu mediu familiar ye de los más baxos d’Europa, con un promediu de 2,24 persones por llar.

Pesi a que más d’un terciu de la mocedá d’ente 25 y 34 años continúa viviendo colos sos pas y medren les families que se reagrupen alrodiu los güelos, namás el 14% de los llares tan ocupaos por families de cuatro o más persones.

Dientro de los llares unipersonales alcontramos una desemeyanza importante en función del sesu. Seique la mayoría tan ocupaos por persones de más de 65 años, pente les muyeres trátase fundamentalmente de vilbes, mientres que los homes que viven solos son principalmente solteros o divorciaos.

Los llares monomarentales continúen integraos na so mayoría (83 %) por la ma y los sos fios, concentrando amás esti modelu familiar les rentes más baxes.

En resume, n’Asturies viven ca vegada menos families, más piqueñes y con más soledá pente les persones mayores.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies