• Portada
  • >
  • Asturies
  • >
  • Economía n’Asturies: bono pa les empreses, malo pa la xente

Economía n’Asturies: bono pa les empreses, malo pa la xente

  • 21 Marzu, 2018

L’informe’l Bancu Mundial espeya un escenariu européu en xeneral y asturianu en particular nel que les oportunidaes son pa les empreses y los retrocesos pa les presones

Llonxe de ser optimista, l’informe, entituláu «Growing united. Upgrading Europe’s convergence machine» (Medrando xunios. Meyorando la máquina de converxencia d’Europa) recueye l’espoxigue de la desigualdá económica y los nulos avances (cuando non recules) na situación de los trabayaores  más probes, asina comu la perda de drechos llaborales y la precarización xeneral del emplegu ya’l nivel de vida.

Na otra man, Asturies apreba alto na valoración del “potencial económicu” , ello ye, l’aprofitamientu que les empreses pueden facer d’esi territoriu en función de factores como’l nivel educativu mediu, l’acesu a los mercaos, la densidá de población, les instituciones, la inversión empresarial, la fuercia del sector servicios y les facilidaes empresariales. Nesti aspeutu, Asturies, apaez na mesma escala que  fasteres como Aquitania, Bretaña, la Provenza o’l Ródano en Francia; Yorkshire, Devon o Kent nel Reinu Xuníu; y, nel casu d’Alemania, como Berlín, Renania o Brandeburgo.

En resume, Asturies, teniendo un altu potencial económicu, ufre munches oportunidaes a les empreses y poques a les persones, destacando a nivel individual namás pola so menor tasa d’abandonu escolar tempranu, que s’allonxa abondo de la española.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies