La CEA desixe la retirada d’ocalitos de les carbayeres

  • 27 Febreru, 2018

Denuncien la presencia de numberosos exemplares d’esta especie alóctona na zona de Verañes, nel conceyu de Piloña

Pesi a la esistencia d’una ordenanza municipal que prohibe específicamente tou plantíu que suponga sustituyir por ocalitu les especies autóctones de sele xorrecimientu, pue comprebase la esistencia d’estes especies esótiques ya invasores n’una zona de monte autóctonu

Les llendes previstes nel Plan Forestal pal plantíu d’ocalitos yá se superaron llargamente, rexistrándose nesti momentu la superficie llantao prevista pal añu 2.060. Esti tipu de cultivu multiplica butablemente’l riesgu de quemes, escosa la tierra, nun apurre’l necesariu abellugu y alimentu a la fauna y roba recursos a les especies autóctones.

Dende la Coordinadora acusen a Javier Fernández de plegase a les presiones del llobby de les papeleres y los grandes plantaores privaos, principales interesaos nel llantáu d’ocalitos, mientres resalten la escasa repercusión d’estos llantaos masivos nes rentes de los llabriegos asturianos. “L’ocalital como tou monocultivu introduznos n’una política económica tercermundista de dependencia granible y esplotación del mediu”.

Poro, reclamen que se sancione a estos propietarios y se yos desixa la retirada ensin demoranza de los ocalitos na zona de monte autóctonu, repoblando darréu los carbayos y castañales que se tiraren pa estos cultivos forestales.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies